- 145 -

1346. Sept. 3. Liegnitz, auf dem Rathhause.

Herzog Wenzel bestätigt der Stadt Liegnitz alle Rechte.

In nomine domini amen. Nos Wenceslaus dei gracia dux Slesie et dominus Lignicensis ad vniuersorum, tam presencium quam futurorum, ad quos presentes deueniunt, nocionem perpetuo volumus deuenire, quod de mera nostre liberalitatis munificencia ad profectum et augmentacionem ciuitatis nostre Legnicz et ad bonam ipsiusdem antiquitatem, ciuibus nostris ibidem omnibus et singulis siue extra ciuitatem siue intra ad gremium ipsius ciuitatis pertinentibus omnia jura, gracias et libertates, siue sintperpetua, siue temporalia, ipsis generaliter et specialiter a nostris progenitoribus, a patre nostro karissimo duce Bolezlao, a nobis et a fratre nostro duce Ludwico conjunctim et a fratre nostro jam dicto singulariter, siue a nobis data et concessa, omnia et singula rata et grata habentes presentis scripti patrocinio confirmamus, promittentes sinceriter sine dolo, predictos nostros ciues omnes et singulos, pauperes et diuites, ipsamque ciuitatem nostram circa omnia jura, vt dictum est, gracias et libertates, que litteris priuilegiis et aliis demonstracionibus probabilibus demonstrare poterint, inuiolabiliter dimittere eosque circa ea totis viribus fideliter conseruare, ymmo eadem in meliorem statum, quantum possumus, deducere ac emendare. In cujus rei testimonium et robur perpetuo valiturum presentem litteram nostri sigilli appensione fecimus communiri. Datum et actum in pretorio Legniczensi dominica proxima post diem beati Egidij abbatis, anno domini millesimo trecentesimo quadragesimo sexto, presentibus fidelibus nostris dominis, Steffano de Parchwicz, Jescone Busewoy, Henrico de Landiscron, Gawino Abscacz, Johanne de Prauticz, militibus, Friczcone de Landiscron et Nicolao nostro notario, qui presencia habuit in commisso.

O. d. St. L. No. 63, das kleine Wappensiegel in rothem Wachs an rother und blauer Schnur. — Bitschens Privilegb. f. CXCV.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866